ग्रामपंचायत माडगी अंतर्गत कार्यरत असलेल्या कल्पवृक्ष वाचनालय यांच्या वतीने वाचन संस्कृतीला चालना देण्यासाठी तसेच विद्यार्थ्यांमध्ये विचारशक्ती, सर्जनशीलता व लेखन कौशल्य विकसित करण्याच्या उद्देशाने “निबंध स्पर्धेचे” आयोजन करण्यात आले आहे. या स्पर्धेमुळे विद्यार्थ्यांना आपले विचार प्रभावीपणे मांडण्याची संधी मिळणार असून ज्ञानवृद्धी व वाचनाची गोडी निर्माण होण्यास मदत होणार आहे. गावातील शालेय व महाविद्यालयीन विद्यार्थ्यांनी या स्पर्धेत उत्स्फूर्तपणे सहभाग नोंदवावा, असे आवाहन कल्पवृक्ष वाचनालय तसेच ग्रामपंचायत माडगी यांच्या वतीने करण्यात येत आहे. ग्रामपंचायत माडगी सदैव शैक्षणिक, सामाजिक व सांस्कृतिक उपक्रमांना प्रोत्साहन देत असून अशा उपक्रमांमुळे गावाचा सर्वांगीण विकास साधला जात आहे.