वैनगंगा नदीकाठी वसलेले हे गाव धार्मिक, सांस्कृतिक, औद्योगिक आणि नैसर्गिक वारशाने समृद्ध आहे. स्वयंभू भगवान नरसिंहा मंदिर आणि नरसिंह टेकडी हे या ठिकाणचे मुख्य आध्यात्मिक केंद्र असून राष्ट्रसंत तुकडोजी महाराज, स्वामी सीताराम जी महाराज आणि परमपूज्य ब्रह्मलीन श्री श्री 1008 राजयोगी संत हनुमान दाजी अण्णाजी महाराज यांच्या पावन उपस्थितीने या भूमीला पावित्र्याची देणगी लाभली आहे. डिसेंबर महिन्यात आयोजित होणारी वार्षिक यात्रा राज्य व देशभरातून हजारो भाविकांना आकर्षित करते. माडगीचा औद्योगिक इतिहासही तितकाच गौरवशाली आहे. आशिया खंडातील पहिला मॅगनीज शुद्धीकरण कारखाना “खंबाटा” येथे उभारला गेला होता. देशभरातून विविध प्रकारचे इस्पात आणून त्याचे शुद्धीकरण करून लोखंडी प्लेट्स तयार केल्या जात आणि त्या विदेशातही निर्यात केल्या जात. समुद्रकिनाऱ्याला नसलेल्या ग्रामीण भागातील या गावातील औद्योगिक प्रगती महाराष्ट्रासाठी अभिमानाची बाब ठरली आहे.