शाळेमध्ये परसबाग तयार करण्यात आलेली असून तिचा नियमितपणे उपयोग केला जातो. या परसबागेत विविध भाजीपाला व औषधी वनस्पतींची लागवड करण्यात आली आहे. परसबागेच्या देखभालीत विद्यार्थी सक्रिय सहभाग घेत असून त्यांना सेंद्रिय शेती, पर्यावरण संवर्धन व आरोग्यदायी आहाराचे महत्त्व प्रत्यक्ष अनुभवातून शिकविले जात आहे. या उपक्रमामुळे विद्यार्थ्यांमध्ये जबाबदारीची भावना, श्रमप्रतिष्ठा व निसर्गप्रेम वाढीस लागले आहे. शाळा व ग्रामपंचायत माडगी यांच्या संयुक्त प्रयत्नातून राबविण्यात येणारा हा उपक्रम शैक्षणिक व पर्यावरणपूरक दृष्टिकोनातून अत्यंत उपयुक्त ठरत आहे.